Funksiyalarda massivdan foydalanish

Faxriddin Xushnazarov

Hozir biz siz bilan funksiyalarda massivlardan foydalanishning bir nechta hollarini ko’rib chiqamiz.

1. Keling Python dasturlash tilidagi range() funksiyasiga o’xshash funksiyani biz C# dasturash tilida tuzib ko’ramiz. Izoh: range() – asosan ikkita argument qabul qiladi aytaylik n va m, ushbu funksiyaning vazifasi n dan m gacha bo’lgan butun sonli array ni qaytaradi(m kirmaydi).

  static int[] Range(int n, int m) 
    { 
        int[] range = new int[m - n]; 
        int k = 0; 
        for(int i=n; i<m; i++) 
            range[k++] = i; 
        return range; 
    } 

Bu yerda biz Range funksiyasining type sifatida int[] massiv typeni berdik. Endi ushbu funksiyadan foydalanib n dan m gacha bo’lgan butun sonlar yig’indisini hisoblaymiz:

using C=System.Console; 
using System.Linq; 
public class Program 
{ 
    public static int[] Range(int n, int m) 
    { 
        int[] range = new int[m - n]; 
        int k = 0; 
        for(int i=n; i<m; i++) 
            range[k++] = i; 
        return range; 
    } 
    public static void Main(string[] args) 
    { 
        int n,m; 
        C.Write("n="); 
        n = int.Parse(C.ReadLine()); 
        C.Write("m="); 
        m = int.Parse(C.ReadLine()); 
        C.WriteLine($"{n} dan {m} gacha bo'lgan yig'indi={Range(n,m+1).Sum()}"); 
    } 
} 

1. Endi funksiyaning argumentlariga massivlardan foydalanishni ko’rsak. Funksiyaning argumentiga massiv ham xuddi o’zgaruvchidek ishlatiladi Misol uchun: <type> funksiyaNomi(int[] x, string[] y){}

Keling biz System nomlar fazosidagi Array classining Sort() metodiga o’xshash funksiya yaratib ko’ramiz. Izoh: Array.Sort metodinig argumentiga massivni bersak ushbu metod bizga bergan massiv elementlarini o’sish tartibida tartiblaydi. Biz faqat int typedagi massivni sort qiladigan funksiya yozamiz!

static void Sort(ref int[] massiv) 
  { 
      int x; 
      for(int i=0; i<massiv.Length-1; i++) 
          for(int j=i+1; j<massiv.Length; j++) 
          { 
              if (massiv[j] < massiv[i]) 
              { 
                  x = massiv[i]; 
                  massiv[i] = massiv[j]; 
                  massiv[j] = x; 
              } 
          } 
  } 

Xop bu funksiyani endi ishlatib ko’ramiz:

   static void Main(string[] args) 
   { 
       int[] mas = { 5, 4, 2, 1, 7, 45, 41, 6, 3, 4 }; 
       Sort(ref mas); 
       foreach (int x in mas) 
           Console.Write(x+", "); 
   } 

Natija: 1, 2, 3, 4, 4, 5, 6, 7, 41, 45,

Endi biz ushbu funksiya yordamida massivdagi eng katta va eng kichik elementni ham topishimiz mumkin:

static void Main(string[] args) 
{ 
 int[] mas = { 5, 4, 2, 1, 7, 45, 41, 6, 3, 4 }; 
 Sort(ref mas); 
 Console.WriteLine($"eng kichigi: {mas[0]}, eng kattasi: {mas[mas.Length - 1]}"); 
} 

Natija: eng kichigi: 1, eng kattasi: 45

Demak biz funksiyalarning type va ularning argumentlarida bemalol massiv typelaridan foydalana olar ekanmiz.