StreamWriter

Mamataliyev Diyorbek

Assalomu alaykum. C# da yozilgan dastur natijasini nafaqat Console oynasiga, biror matnli faylga ham yozib qo'yish imkoniyati mavjud. Buning uchun System.IO nomlar makoniga tegishli bo'lgan StreamWriter sinfidan foydalanish juda qulay. Ishonavering, buni o'rganish ham oson. Demak boshladik.

StreamWriter sinfidan foydalanish uchun eng avvalo System.IO nomlar makonini chaqiramiz. So'ng fayl nomini ko'rsatgan holda StreamWriter sinfidan obyekt olamiz. Masalan mana bunday:

using System;
using System.IO;
class Program
  {
    static void Main(string[] args)
      {
         StreamWriter fayl1 = new StreamWriter("c://papka1/sonlar.txt");
      }
  }

Yuqoridagi kodimizda fayl1 - obyekt nomi, endi sonlar.txt fayliga shu nom bilan murojaat qilamiz. Qavs ichidagi nom esa sizga tanish, bu biz yozmoqchi bo'lgan faylning to'liq nomi. Bizning holatda fayl c diskda papka1 nomli papkada joylashgan.

ESLAB QOLING! fayl nomi ko'rsatilayotganda mavjud bo'lmagan fayl ko'rsatilsa dastur o'zi ko'rsatilgan manzilda huddi shu nomda yangi fayl ochadi.

Agar to'liq nomi avvaldan mavjud bo'lgan fayl bilan aynan bir xil fayl ko'rsatilsa dastur ishlaganda fayl ichidagi yozuvlar to'la o'chirilib, yangitdan yozish boshlanadi.

Agar fayl mavjud bo'lmagan papka ichida ko'rsatilsa, dastur ishga tushmaydi. Bu holatda kompilyator System.IO.DirectoryNotFoundException nomli xatolik oynasini ekranga chiqaradi

Shuningdek, fayl manzilini ko'rsatishda faqatgina fayl nomini yozish ham mumkin:

StreamWriter fayl1 = new StreamWriter("sonlar.txt");

Bu holatda dasturingiz fayllari joylashgan bin nomli papka ichida yangi fayl ochiladi.

Yangi faylni ochdik, endi unga qanday yozamiz? Sizga eng oson va to'g'ri yo'nalish: Avvalgi dasturlaringizda Console oynasiga ma'lumotni chop etish uchun foydalanilgan Console.Writeva Console.WriteLine funksiyalaridagi Console so'zi o'rniga StreamWriterdan olingan obyekt nomini yozsangiz bas. Misol tariqasida c diskning o'zida yangi fayl ochib, unga 1 dan 10 gacha sonlarni yozib ko'ramiz:

using System;
using System.IO;
class Program
{
  static void Main(string[] args)
  {
    StreamWriter new_file = new StreamWriter("c:/new file.txt");
    for (int i = 1; i < 11; i++)
        new_file.WriteLine(i);
    new_file.Close();
    Console.WriteLine("Sonlar faylga yozildi");
  }
}

BU MUHIM! StreamWriter sinfi orqali ochilgan faylga yozib bo'lingach, albatta Close() funksiyasi orqali faylni yopish kerak. Aks holda fayldagi ma'lumotlar saqlanmaydi. Agar dasturda ochilgan faylni Close() orqali yopmay turib dasturdan chiqilsa, fayl ichidagi barcha ma'lumotlar o'chib ketadi.

Yangi faylga matn yozilishini o'zingiz ko'rish uchun yuqoridagi dastur kodini ishlatib ko'ring.

Yana bir foydali ma'lumot: Faylli oqim(StreamWriter)dan foydalanib ma'lumotlarni chop etish matnli oqim(Console)dan ko'ra ancha tez ishlaydi. Bu sizga ko'p ma'lumotlar chop etish kerak bo'lgan masalalarda ancha qo'l keladi.

StreamWriterdan foydalanib nafaqat txt kengaytmali, yana doc, docx, pdf, xls, xlsx, ppt kengaytmali fayllarga ham yozish imkoniyati mavjud.

Demak, yuqorida keltirilgan misoldagi new file.txt nomi o'rniga new file.doc, new file.ppt kabi boshqa nomlar yozishimiz ham mumkin ekan. Natijada matn boshqa turdagi matnli faylga yoziladi. Boshqa kengaytmali fayllarga yozib ko'rish sizga vazifa bo'lib qoladi.

E'tiboringiz uchun rahmat.