PostgreSQL

Ravshan Sodiqov

Hozirgi vaqtda PostgreSQL deb nomlanuvchi relatsion ma’lumotlar bazasini boshqarish tizimi 1986 – yilda Berklindagi Kaliforniya universitetida yozilgan POSTGRES paketidan olingan. 20 yildan beri ilg’or rivojlanib kelayotgan PostgreSQL hozirgi kunda deyarli hamma joyda mavjud bo’lgan ochiq kodli ma’lumotlar bazasi hisoblanadi. Maykl Stonebraker tog’aning ushbu POSTGRES loyihasi dastlab moliyaviy ma’lumotlarni tahlil qilish, reaktiv dvigatelning ishlashini monitoring qilish va asteroidlar harakatini kuzatish uchun xizmat qilgan (boyvachcha amakilar qo’llab turishgan albatta).

Maykl Stonebraker

1992 – yilda “Informix” Maykl tog’aning bu loyihasini sotib oldi. 1994 – yilga kelib “Informix” POSTGRES ga SQL tilini qo’shishga qaror qildi va Endryu Yu va Jolli Chen amakilar POSTGRES ga SQL ni qo’shdilar va Postgres95 nomi bilan internetga chiqarildi (fidokorona xizmat qilishgani aniq). 1996 – yilda “Postgres95” nomi eskirib qolayotganini sezib qolishgach, POSTGRES va SQL qobiliyatiga ega yangi avlod “PostgreSQL” ni taqdim etishdi va 6.0 dan boshlangan versiya raqamlashi o’rnatildi. 2021 – yil 30 –sentabrda “Global Development Group” yigitlari hozirgi kunda juda keng foydalaniladigan tizimning 14 – versiyasini ishlab chiqishdi. Ming marta eshitgandan bir marta ko’rgan yaxshi deganlaridek, PostgreSQL ni bu yerdan yuklab olib bemalol hijolat tortmasdan bepul ishlatishingiz mumkin.